Dit is alle Christen ouers se begeerte dat hul kinders in die weë van die Here opgevoed word. Die ICO wil deur toegeruste Christen onderwysers en 'n unieke Christelike kurrikulum aan kinders die kennis van God en sy skepping ontwikkel, sodat hulle volkome toegerus vir elke goeie werk hul roeping kan vervul.

As Christelike Reformatoriese Instituut word die unieke geleentheid benut om jare se onderwys-ontwikkeling met Christen onderwysers in Suid-Afrika te deel.

Dit word op 5 terreine gedoen:

1. Ontwikkel 'n Christelike kurrikulum
2. Bind en bou die ICO skole
3. Aanbied en ontwikkel van verskeie kursusse
4. Advieskantoor
5. Bande met die Gereformeerde Kerke van Suid-Afrika.

Die Waterstroomreeks is 'n Christelike waardegedrewe kurrikulum. Alhoewel die KABV (CAPS) gevolg word, is die inhoud akademies verryk. Dit word op ‘n geïntegreerde Godgesentreerde wyse aan leerders aan die hand van drie hoofwaardes aangebied,  naamlik:

• Godsaanskouing;
• Mensbeskouing;
• Skepppingsbeskouing.

Die doel van die kurrikulum is om leerlinge te lei na 'n grondige kennis en begrip van vakinhoud en beginsels, sodat hulle toegerus is om met hulle gawes en talente die nuwe kennis in diens van God en die gemeenskap te kan aanwend.