5 April 2022
Onderwyser-seminaar
Christelike onderwys beteken ook deurlopende groei.
“En hy sal wees soos ‘n boom wat geplant is by waterstrome, wat sy vrugte gee op sy tyd en waarvan die blare nie verwelk nie: en alles wat hy doen, voer hy voorspoedig uit.”
ICO-skole se onderwysers streef daarna om voortdurend te groei om so vrugte te dra wat tot heil van die gemeenskappe en die kinders aan hul toevertrou mag dien. Hul pak hul taak aan met die oortuiging dat Christene, as deel van ons skeppings-opdrag en dankbaarheidslewe, alles met uitnemendheid sal doen - soos vir Christus.
Die doel van die jaarlikse seminare is:
• Om geestelik te groei
• Bevordering van onderlinge kontak tussen ICO skole
• Toerusting van onderwysers vir toepassing van reformatoriese onderrig in praktyk.
• Toerusting van ouers en skool bestuurslede met bestuursvaardighede en beginselgronde wat nodig is om uitnemende skole daar te stel.
• Bou aan gedeelde visie van Reformatoriese Onderwys.
Wat word aangebied?
• Aanbiedings en werksessies in die program se temas is bepaal aan die hand van behoeftes wat deur skole uitgespreek is.
Hoe word dit gedoen?
• Deur gesamentlike Bybelstudie
• Deur ‘n kernlesing aan te bied
• Deur parallelle aanbiedings en werksessies
• Deur heerlik saam te kuier en te eet