Hierdie bewusmaking dien om God te loof. Dit is vir ons baie waardevol dat die jong kunstenaar deelneem met die rede om dit te geniet en in sy kreatiwiteit sy afhanklikheid van God te besef en Hom daarmee en daardeur kan loof en prys.
Die estetiese moet altyd voldoen aan ’n bepaalde orde wat God daargestel het, daarom ondersteun ons nie kuns wat wanorde of chaos uitbeeld nie.
Kuns kan maklik skeefgetrek word, dit is dus belangrik om in die skeppingsproses na die wil van God te vra. God wil, soos verwoord in Fil 4:8 hê dat die mens ook in die kuns moet soek na alles wat waar is, alles wat edel is, alles wat rein is, alles wat lieflik is, alles wat loflik is. ICO nooi ons jong kunstenaars om volgens hierdie beginsels hul pragtige talente met ons te kom deel en van mekaar se gawes te kan geniet.
